2019年泳衣攻略！邊款泳衣最啱自己著？
每款泳衣各有特色，未必款款泳衣都啱所有人著，對於唔係成日玩水嘅姊妹嚟講，揀泳衣時都會好緊張，一來唔知泳衣啱唔啱用，又或者擔心泳衣會走光嘅機會。
香港買泳衣得夏天先多地方有得睇同試，但去旅行買泳衣唔一定踏正夏天，變咗係網購泳衣為主，有疑問好正常。泳衣除了講求款靚外，選擇適合自己的泳衣更加重要，今次就因應不同膚色同用途， 幫你地挑選最合適的泳衣，等各位姊妹都可以著出美麗同自信。
1. 膚色
i) 膚色較深
基本上著咩顏色都冇問題，深膚色特別適合亮色系，特別推介：橙色、湖水綠等亮色顏色。
ii) 膚色較淺 應該揀較深沉的顏色，深色同淺膚色之間作強烈對比，可以突出膚色的透明感。反而，白色同裸色唔太適合，因為同你的淺膚色太似啦。
2. 用途
i) 度假休閒
可以揀三件式或四件式泳衣，簡簡單單除底件外罩衫之後，就可以盡情玩水。上番岸，著番件外罩後，可以盡情影相post相！外罩衫同一般夏天衫無分別。配搭時尚嘅外罩衫更顯活力同魅力，濕左都唔怕啦~
ii) 衝浪 水溫一般比氣溫低，呢個時候建議著可以同時防曬、防磨兼保溫嘅運動型泳衣會比較好。當身體趴係浪板上划水時，減少直接磨擦皮膚，保護胸部、手臂內側及大腿唔會被浪板上的防滑蠟磨傷。
iii) 獨木舟 玩獨木舟並唔需要成日係水裡面，不妨挑選以較薄的運動防曬泳衣，下身以短褲為主，讓雙臂輕易活動，亦方便以攜帶更多的裝備。
iv) 浮潛 浮潛唔洗潛得太深，所以防曬好重要。最好就揀運動型防曬衣，有彈性、耐磨、快乾，無論上衣定褲子都有長短選擇，如果手臂唔想曬到黑白分明的兩截色，咁長袖係比較好的選擇。
v) 其他水上活動 無論係香港玩水定去旅行，預得有陽光與海灘一定會參加下水上活動，例如香蕉船、水上滑翔傘諸如此類，唔多唔少實有機會比海浪沖擊到，選擇活動時穿著嘅泳衣最好夠貼身同穩陣，越少裝飾品越好，避免因海浪沖擊而被裝飾品撞傷、影響救生衣或其設備。
著泳衣除咗要靚，更加重要嘅係咪真係適合自己，功能用途外亦係一項時尚衣著，衣櫃入面點可以得一兩套？！Fancy Meow Shop提供各式各樣泳衣，實有款啱你地，買定準備隨時享受玩水嘅樂趣啦！